TÜRKİYƏDƏ HEYDƏR ƏLİYEVİN XATİRƏSİNİ ANMA MƏRASİMLƏRİ KEÇİRİLƏCƏKDİR

15.01.2004 [13:25]
Çap et
A⁺ A^-

Türkiyənin Ankara, İzmir və digər şəhərlərində türk dünyasının böyük oğlu Heydər Əliyevin xatirəsini anma mərasimi keçiriləcəkdir.

Xarici Ölkələrdə Yaşayan Azərbaycanlılarla İş ürə Dövlət Komitəsindən AZƏRTAC-a bildirmişlər ki, yanvarın 18-də İzmirdəki “Azərbaycan evi” və Dayanışma Dərnəyində ehsan veriləcək, məsciddə dahi liderimizin ruhuna dualar oxunacaqdır.

Bundan başqa, Azərbaycanın Türkiyədəki səfirliyinin, Türkiyə-Azərbaycan Dostluq və Əməkdaşlıq Vəqfinin, eləcə də Manisa şəhərindəki Kültür və Dayanışma Dərnəyinin təşəbbüsü ilə yanvarın 20-də Ankarada Heydər Əliyevin xatirəsini və 20 Yanvar faciəsinin il dönümü münasibətilə mərasim keçiriləcəkdir. Bu cür tədbirlər digər şəhərlərdə də təşkil olunacaqdır.

Mərasimlərə qardaş ölkənin dövlət xadimləri və hökumət rəsmiləri, Türkiyədəki diplomatik korpusun və KİV nümayəndələri də dəvət olunmuşdur.