Türkiyədə reklam şirkətlərinə 114 milyon lirədən çox cərimə kəsilib
İstanbul, 18 dekabr, AZƏRTAC
Türkiyə Reklam Şurası 2023-cü ildə ölkədə istehlakçıları aldadan və yayındıran reklamlar edən şirkətlərə ümumilikdə 114,1 milyon Türk lirəsi məbləğində cərimə kəsib.
AZƏRTAC xəbər verir ki, şura bununla bağlı açıqlama yayıb.
Bildirilib ki, Türkiyə Reklam Şurası tərəfindən 2023-cü ildə reklamla məşğul olan şirkətlərin 2 min 7 sənədi araşdırılıb və qiymətləndirilməsi aparılıb. Onlardan 1762-sinin aldadıcı reklam və ya ədalətsiz ticarət olduğu müəyyən edilib. Bununla əlaqədar həmin şirkətlərə ümumilikdə 114 milyon 139 min lirə cərimə kəsilərək, bu reklam çarxlarının dayandırılmasına qərar verilib.
Bölmənin digər xəbərləri
