Türkiyədə Xocalı soyqırımı haqqında internet saytının təqdimatı keçiriləcəkdir
Ankara, 16 fevral (AZƏRTAC). Türkiyə-Azərbaycan Dərnəyi (TAD) Ankarada Türk Strateji Araşdırmalar Mərkəzinin ofisində Xocalı soyqırımı haqqında yeni internet saytının təqdimatını keçirəcəkdir.
TAD-ın sədri Sinan Oğan bildirmişdir ki, www.hocalisoykirimi.com saytının təqdimat mərasimində Azərbaycanın Türkiyədəki səfirliyinin əməkdaşları, diaspor təmsilçiləri, siyasi analitiklər iştirak edəcəklər. Yeni saytda Xocalı soyqırımı həqiqətlərinin bütün dünyada yayılması üçün forumlar, “Xocalıya ədalət” kampaniyası çərçivəsində imzatoplama, təhlili məqalələr və yeniliklər yer alacaqdır.
Xocalı soyqırımı ilə bağlı fevralın 25-də Türkiyə Böyük Millət Məclisində dinləmələr də keçiriləcəkdir. Türkiyə-Azərbaycan parlamentlərarası dostluq qrupunun sədri Mustafa Kabakçı parlamentdə çıxış edəcək, Xocalı qətliamından bəhs edən sərgi açılacaqdır.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
