Türkiyəli tennisçi Zeynəb Sönməz “Uimbldon”la vidalaşıb
London, 1 iyul, AZƏRTAC
Tennis üzrə “Uimbldon” çempionatının üçüncü günündə Türkiyə təmsilçisi Zeynəb Sönməz qadınların şəxsi yarışında mübarizəni dayandırıb.
AZƏRTAC xəbər verir ki, turnirin ikinci mərhələsində ABŞ tennisçisi Kler Liu ilə qarşılaşan Zeynəb Sönməz rəqibinə 0:2 (5:7, 3:6) hesabı ilə məğlub olub və yarışla vidalaşıb. Görüş iki set davam edib.
Qeyd edək ki, Zeynəb Sönməz ilk mərhələdə ABŞ tennisçisi Enn Lini 2:1 (7:5, 1:6, 6:4) hesabı ilə məğlub edərək ikinci mərhələyə yüksəlmişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
