Türkiyənin 16 vilayətində terrorçularla əlaqədə şübhəli bilinən 92 nəfər saxlanılıb
Ankara, 24 fevral, AZƏRTAC
Son bir həftə ərzində Türkiyənin 16 vilayətində İŞİD terror təşkilatı ilə əlaqədə şübhəli bilinən 92 nəfər saxlanılıb.
AZƏRTAC xəbər verir ki, bu barədə Türkiyənin daxili işlər naziri Ali Yerlikaya sosial şəbəkələrdə yazıb.
Nazir qeyd edib ki, “GÜRZ-47” kod adlı əməliyyat xüsusilə Ankara, İstanbul, Eskişehir, Kayseri və Samsun kimi böyük vilayətləri əhatə edib.
Hüquq-mühafizə orqanlarının əməkdaşlarının hərəkətləri kəşfiyyat və prokurorluq orqanları ilə razılaşdırılıb.
Axtarışlar zamanı dövlət qeydiyyatına alınmamış silah-sursat və qanunsuz ədəbiyyat aşkar edilib.
Daxili İşlər Nazirliyinin rəhbəri əmin edib ki, terrorizmin təzahürlərinə qarşı mübarizə terror təhlükəsi tam aradan qaldırılana qədər davam etdiriləcək.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
