TÜRKMƏNİSTAN QAZAXISTANLA SƏRHƏDİNDƏ TİKANLI MƏFTİL ÇƏKƏCƏK

18.03.2004 [13:26]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Türkmənistan Qazaxıstanla 380 kilometrlik sərhədini nəzarət- iz zolağı üçün şumlayacaq və orada tikanlı məftil çəkəcəkdir. Türkmənistan prezidenti Saparmurad Niyazov bu işlərin görülməsi barədə qərar imzalamışdır. Sifarişçi funksiyaları sərhəd xidmətinə və Dövlət Geodeziya, Kartoqrafiya və Kadastr Komitəsinə həvalə edilmişdir. Sənəddə qeyd edilir ki, aviasiya çəkilişi işlərini “Ukrayna hava yolları”nın Aviasiya hesablama mərkəzi həyata keçirəcəkdir.

Türkmənistan və Qazaxıstan sərhədin delimitasiyası və demarkasiyası haqqında müqaviləni 2001-ci ilin iyulunda imzalamışlar. Niyazov sərhədyanı kəndlərin sakinlərinin Türkmənistan-Qazaxıstan sərhədini keçməsi məsələsinə toxunaraq, artıq Türkmənistan-Özbəkistan sərhədində qüvvədə olan sadələşdirilmiş keçid formasının tətbiq edilməsinin tərəfdarı olduğunu bildirmişdir. Hazırda həmin sahədə də nəzarət - iz zolağı və tikanlı məftil çəkilir.

Türkmənistanda yaşayan özbəklər ölkə əhalisinin 9, qazaxlar isə 2 faizini təşkil edirlər. Sadələşdirilmiş keçid 6 dollar məbləğində konsul rüsumu ödənilməsini və qonşu ölkəyə gedənin orada beş gün qaldıqdan sonra geri qayıtmasını nəzərdə tutur.

TÜRKMƏNİSTAN QAZAXISTANLA SƏRHƏDİNDƏ TİKANLI MƏFTİL ÇƏKƏCƏK

MÜƏLLİFLƏ ƏLAQƏ

Bölmənin digər xəbərləri