Üç nəfər azərbaycanlı Qazaxıstanın nüfuzlu universitetlərində təhsil almaq imkanı qazanıb
Bakı, 4 sentyabr, AZƏRTAC
Azərbaycanın və Qazaxıstanın Təhsil nazirlikləri arasında uğurlu əməkdaşlığın nəticəsi olaraq, ümumilikdə 3 nəfər azərbaycanlı 2020-2021-ci tədris ili üzrə Qazaxıstanın nüfuzlu universitetlərində təhsil almaq imkanı qazanıb.
Təhsil Nazirliyindən AZƏRTAC-a bildiriblər ki, müvafiq sazişə əsasən, seçim barədə Qazaxıstan Respublikası tərəfindən verilən yekun qərar nəticəsində Azərbaycan vətəndaşları Abay Qazax Milli Pedaqoji Universiteti, L.N.Qumilyov adına Avrasiya Milli Universiteti və Al-Farabi adına Qazax Milli Universitetində pedaqogika, dizayn, maliyyə ixtisas istiqamətləri üzrə təhsil almaq hüququ əldə ediblər.
Xatırladaq ki, müvafiq təqaüd proqramı barədə elan bu il martın 4-də verilib.
Bölmənin digər xəbərləri
