UEFA 55 milli assosiasiyaya 935 milyon avro yardım ayıracaq
Bakı, 11 may, AZƏRTAC
UEFA Avropada futbolun inkişafı üçün 2024-2028-ci illərdə quruma üzv olan 55 milli assosiasiyaya 935 milyon avro yardım ayıracaq.
AZƏRTAC xəbər verir ki, bununla bağlı qərar UEFA-nın Avstriyanın paytaxtı Vyanada keçirilən 46-cı konqresində qəbul olunub.
“HatTrick VI həmrəylik və inkişaf proqramı” çərçivəsində təyin olunan maliyyə bərabər məbləğdə bölüşdürüləcək. Nəticədə hər bir assosiasiyaya, o cümlədən AFFA-ya 4 il ərzində ümumilikdə 17 milyon avro ödəniş ediləcək.
Bu məbləğ 2020-2024-cü illəri əhatə edən və 775 milyon büdcəsi olan əvvəlki layihəni 27 faiz üstələyir.
Bölmənin digər xəbərləri
