UEFA “Qalatasaray”ı bir illik Avrokuboklardan kənarlaşdırıb
Bakı, 2 mart, AZƏRTAC
Türkiyənin “Qalatasaray” klubu UEFA-nın cəzasına məruz qalıb.
AZƏRTAC “Anadolu” İnformasiya Agentliyinə istinadla xəbər verir ki, İstanbul təmsilçisi bir il müddətinə Avropa kubok yarışlarından kənarlaşdırılıb. Klub prezidenti Dursun Özbək ötən həftə İsveçrəyə yollanaraq UEFA rəsmiləri ilə məsələni müzakirə edib. O, qarşı tərəfi müxtəlif dəlillərlə tanış etsə də, prezidentin bu səyi nəticəsiz qalıb.
UEFA maliyyə “fair-play” qaydalarını pozan “Qalatasaray”a güzəşt etməyib. İstanbul təmsilçisi qitənin mötəbər yarışlarına vəsiqə qazanarsa, gələn mövsüm bu hüquqdan məhrum olacaq. Əgər “sarı qırmızılar” ardıcıl iki il Avrokuboklara vəsiqə əldə edə bilməsə, o zaman cəza qüvvədən düşəcək.
Bölmənin digər xəbərləri
