UEYN RUNİ TOTALİZATORDA 700 MİN FUNT STERLİNQ UDUZMUŞDUR

10.04.2006 [22:04]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Britaniya mətbuatı İngiltərə yığmasının və “Mançester Yunayted” klubunun hücumçusu Ueyn Runini totalizatorda oynamaqda ifşa etmişdir. Runi burada təxminən 700 min funt sterlinq uduzmuşdur.

İngiltərə yığmasının baş məşqçisi Sven-Yoran Eriksson demişdir ki, o, futbolçu ilə bu mövzuda danışacaqdır. Runinin özü totalizatorda onun mərc bağladığı barədə informasiyanı uydurma adlandırmışdır.

İngiltərə Futbol Assosiasiyasının ictimaiyyətlə əlaqələr üzrə direktoru Edrian Bevinqton demişdir ki, onun təşkilatının futbolçulara mərc bağlamğı yasaqlamağa heç bir imkanı yoxdur, yalnız bunu izləyə bilər ki, onlar oynadıqları görüşlər üçün mərc pulu qoymasınlar. Bevinqton vurğulamışdır ki, belə xəbərlərin yayılması milli komandanın mənəvi vəziyyətinə heç cür təsir göstərməyəcəkdir.

UEYN RUNİ TOTALİZATORDA 700 MİN FUNT STERLİNQ UDUZMUŞDUR

MÜƏLLİFLƏ ƏLAQƏ

Bölmənin digər xəbərləri