Ukrayna iyul ayında Qərbdən 5,3 milyard dollar alıb
Bakı, 1 avqust, AZƏRTAC
Kiyev iyul ayında Qərb tərəfdaşlarından qrant və kreditlər şəklində büdcəyə 5,3 milyard dollar cəlb edə bilib.
AZƏRTAC Ukrinform agentliyinə istinadla xəbər verir ki, bu barədə Ukrayna Maliyyə Nazirliyinin mətbuat xidməti məlumat yayıb.
Məlumata görə, Kiyev Avropa İttifaqından 1,67 milyard dollar, Yaponiyadan 1,5 milyard dollar, ABŞ-dan 1,25 milyard dollar, Beynəlxalq Valyuta Fondundan isə təxminən 890 milyon dollar alıb.
Qeyd edək ki, iyun ayında Qərb dövlətlərindən Ukrayna büdcəsinə 3 milyard dollar, bu ilin yeddi ayında ümumilikdə 28 milyard dollar daxil olub.
Ali Radanın maliyyə komitəsinin məlumatına əsasən, 2023-cü ildə Ukraynanın büdcə kəsiri 38 milyard dollar həcmində nəzərdə tutulub. Prezident Volodimir Zelenski Qərbi Ukraynanın builki büdcəsinin kəsirini tam bağlamağa çağırıb.
Bölmənin digər xəbərləri
