Ukrayna limanlarından daşınan taxılın həcmi 17,2 milyon tonu ötüb
Bakı, 15 yanvar, AZƏRTAC
Ukrayna limanlarından daşınan ərzaq məhsullarının həcmi 17 milyon 254 min tonu ötüb.
AZƏRTAC xəbər verir ki, bu barədə Türkiyə Müdafiə Nazirliyindən məlumat verilib.
Məlumata görə, Prezident Rəcəb Tayyib Ərdoğan və Birləşmiş Millətlər Təşkilatının Baş katibi Antonio Quterreşin sədrliyi ilə 22 iyul 2022-ci ildə imzalanan Qara Dəniz Taxıl Dəhlizi Təşəbbüsü çərçivəsində yaradılmış Birgə Koordinasiya Mərkəzinin səyi ilə ərzaq məhsullarının Ukrayna limanlarından ehtiyacı olan ölkələrə təhlükəsiz şəkildə daşınması təmin olunub.
Qeyd olunub ki, ötən müddət ərzində Ukrayna limanlarını tərk edən gəmilərin 643-ü taxıl daşıyıb.
Bölmənin digər xəbərləri
