Ukrayna ordusuna yeni tank və artilleriya mərmiləri çatdırılıb
Kiyev, 11 aprel, AZƏRTAC
“Ukroboronprom” dövlət konserni ordunun ehtiyacları üçün 125 mm-lik tank mərmiləri və 122 mm-lik artilleriya döyüş sursatlarının yeni partiyalarını göndərib.
AZƏRTAC xəbər verir ki, bu barədə “Ukroboronprom”un saytı məlumat yayıb.
“Göndərilmiş 125 mm-lik tank mərmilərinin partiyasından sonra 122 mm-lik artilleriya mərmilərinin daha bir partiyası orduya təhvil verilib”, - deyə məlumatda deyilir.
Hər iki mərmi növü Ukrayna tərəfindən NATO ölkələri ilə birgə xarici obyektlərdə, lakin Ukrayna texnologiyasına uyğun və yerli mütəxəssislərin cəlb edilməsi ilə istehsal olunur.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
