Ukraynada koronavirus: 7647 nəfər yoluxub, 193-ü ölüb
Kiyev, 24 aprel, AZƏRTAC
Ukraynada son sutkada 477 nəfər koronavirusa tutulub.
AZƏRTAC ölkənin Səhiyyə Nazirliyinə istinadla xəbər verir ki, bununla da Ukraynada koronavirusa tutulanların sayı 7647 nəfərə çatıb. Məlumata görə, yoluxma hallarının artmasına səbəb Pasxa bayramında karantin qaydalarının kütləvi şəkildə pozulması olub.
Ukraynada son sutkada 6 nəfər ölüb. Ümumilikdə, koronavirusdan ölənlərin sayı 193 nəfərə çatıb. Koronavirusdan ölənlərin 85 faizində ürək-damar xəstəlikləri, şəkərli diabet, böyrək çatışmazlığı kimi xəstəliklər olub. 601 nəfər tam müalicə olunaraq evlərinə buraxılıb.
Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.
Qeyd edək ki, ölkədə mayın 11-dək bütün beynəlxalq uçuşlar dayandırılıb, karantin elan edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
