ÜLVİ BACARANİ BEYNƏLXALQ TURNİRDƏ LİDERLİYİNİ DAVAM ETDİRİR
Bakı, 4 avqust (AZƏRTAC). Azərbaycan şahmatçısı Ülvi Bacarani Birləşmiş Ərəb Əmirliklərinin Dubay şəhərində keçirilən beynəlxalq şahmat turnirində liderliyini davam etdirir.
Səkkizinci turda Suriya şahmatçısı Başir Eiti ilə görüşünü heç-heçə başa vuran həmyerlimiz 7 xalla ən yaxın izləyicilərindən yarım xal irəlidədir.
Son turda Ü.Bacaraninin rəqibi hindistanlı Qautam Yodeş olacaqdır.
Gənc şahmatçılarımızdan Nurlan Şabanov (6 xal) 9-cu, Sənan Rəhimli (6 xal) 10-cu, Nərmin Soyunlu (5,5xal) isə 13-cü yeri tuturlar.
İsveçrə sistemi üzrə keçirilən yarışda 136 şahmatçı mübarizə aparır.
Bölmənin digər xəbərləri
