ÜMUMDÜNYA SƏHİYYƏ TƏŞKİLATININNÖVBƏTİ İLLİK SESSİYASI ÖZ İŞİNƏ BAŞLAMIŞDIR

18.05.2004 [14:28]
Çap et
A⁺ A^-

AZƏRTAC-ın Almaniyadakı xüsusi müxbiri xəbər verir ki, mayın 17-də İsveçrənin Cenevrə şəhərində Ümumdünya Səhiyyə Təşkilatının (ÜST) illik sessiyası öz işinə başlamışdır.

Sessiyada dünyanın 192 dövlətinin səhiyyə qurumları və sağlamlıq keşiyində duran beynəlxalq humanitar təşkilatlarının nümayəndələri

iştirak edirlər. Beynəlxalq forumun gündəliyində bir məsələ vardır. “İnsan sağlamlığını qorumaq və onun keşiyində durmaq”.

Sessiyanın təşkilat mərkəzindən alınan məlumatlara görə, beynəlxalq forumda bütün dünyada insan həyatına və sağlamlığına qənim kəsilmiş xəstəliklərin qarşısının alınması, insan ömrünü qısaldan piylənməyə qarşı qabaqcıl müalicə metodlarının tətbiqi strategiyası ilə bağlı məsələlər müzakirə olunacaq, təbabətçilər qabaqcıl dünya müalicə təcrübəsi barədə fikir mübadiləsi aparacaqlar.

Sessiya öz işini mayın 22-də başa çatdıracaqdır.