UNEC “QS dayanıqlılıq reytinqi 2024” üzrə Azərbaycanda birincidir
Bakı, 5 dekabr, AZƏRTAC
İkinci dəfə hazırlanan “QS dayanıqlılıq reytinqi 2024” (QS Sustainability Ranking) açıqlanıb. 95 ölkədən 1403 universitetin iştirak etdiyi reytinqdə Azərbaycan Dövlət İqtisad Universiteti (UNEC) ilk dəfə olaraq yer alıb. UNEC Azərbaycanda 1-ci, Asiyada 327-ci, dünyada isə 1051-1100-cü universitet olub.
Bu barədə AZƏRTAC-a UNEC-dən məlumat verilib.
“QS dayanıqlılıq reytinqi” üç əsas hissədən ibarətdir: ətraf mühitə təsir faktoru, sosial təsir faktoru və idarəetmə.
UNEC “Ətraf mühit dayanıqlılığı” göstəricisi üzrə dünyada 305-ci, “Bərabərlik” göstəricisi üzrə 638-ci və “İdarəetmə” göstəricisi üzrə 504-cü universitetdir.
Reytinqi müəyyənləşdirmək üçün istifadə olunan məlumatların 29 faizi universitetlər tərəfindən təqdim edilir, 71 faizi isə QS tərəfindən rəsmi mənbələrə və ölkənin dayanıqlılıq üzrə beynəlxalq reytinq göstəricilərinə istinadən toplanır.
“QS dayanıqlılıq reytinqi” “QS dünya reytinqində” (QS World University Rankings) 5 faiz paya malikdir.
Bölmənin digər xəbərləri
