İQTİSADİYYAT
“Universitet və fərqli biznes sahələri arasında əməkdaşlıq imkanları” mövzusunda virtual konfrans keçiriləcək
Bakı, 17 mart, AZƏRTAC
Martın 17-də İnnovasiyalar Agentliyinin təşkilatçılığı ilə “Universitet və fərqli biznes sahələri arasında əməkdaşlıq imkanları” mövzusunda virtual konfrans keçiriləcək.
Agentlikdən AZƏRTAC-a bildirilib ki, virtual konfrans Böyük Britaniya və Azərbaycanda yerləşən universitetləri, o cümlədən yaradıcı iş dünyasının nümayəndələrini bir araya gətirəcək, Azərbaycanda universitet - biznes sahələri arasında əməkdaşlığın möhkəmləndirilməsi mövzusu ətrafında ideyalar irəli sürüləcək.
Konfrans iştirakçıları, həmçinin “Azərbaycanda startapların yenilənmə dinamikası və istedad əksikliyi” mövzusunda öz fikirlərini bölüşəcəklər.