Uşaq Səfirlər Məclisinə seçimlərin 3-cü mərhələsi müvəqqəti olaraq dayandırılıb
Bakı, 17 mart, AZƏRTAC
Ailə, Qadın və Uşaq Problemləri üzrə Dövlət Komitəsi (AQUPDK) Uşaq Səfirlər Məclisinə seçimlərin 3-cü mərhələsini müvəqqəti olaraq dayandırıb.
Dövlət Komitəsindən AZƏRTAC-a bildirilib ki, səfir uşaqların seçilməsi üçün müsabiqəyə yanvarın 10-da start verilib. 200 nəfərin müraciət etdiyi müsabiqənin birinci mərhələsində uşaqların göndərdiyi anketlərə, ikinci mərhələdə isə göndərilən video materiallara baxılıb. Mərhələnin nəticələrinə əsasən, seçimdən keçənlər növbəti mərhələyə adlayıb.
Üçüncü mərhələyə martın 12-dən start verilib və bir qrup uşaqla müsahibə təşkil edilib.
Koronavirus (COVID-19) infeksiyasının yayılmasının qarşısının alınması tədbirləri çərçivəsində seçimlər müvəqqəti olaraq dayandırılır. Müsabiqənin davam etdirilməsi haqqında AQUPDK-nin saytında məlumat veriləcək.
Bölmənin digər xəbərləri
