V4 ölkələrinin sakinləri əməkhaqqı səbəbindən iş yerlərini dəyişirlər
Budapeşt, 5 iyun, AZƏRTAC
İqtisadi tədqiqatlar üzrə ixtisaslaşmış bir sıra Avropa qurumları tərəfindən aparılan son sorğunun nəticələrinə görə, digər təşkilatlarda daha cəlbedici maaşlar “Vışeqrad qrupu” (V4) ölkələrində iş yerlərinin dəyişdirilməsinin əsas səbəbi olaraq qalır.
AZƏRTAC-ın araşdırma məlumatlarına istinadla verdiyi xəbərə görə, sorğuda iştirak edən respondentlərin təxminən 60 faizi “rəqabətli əməkhaqqı”nın (yəni, sabit tariflərə deyil, işçinin qabiliyyətinə əsaslanan çevik maaş) işəgötürənlərin dəyişdirilməsinin əsas səbəbi olduğunu bildirib.
V4 sakinləri üçün əhəmiyyət kəsb edən ikinci məsələ əlverişli əmək mühiti və iş yerinə yaxınlıqdır.
Respondentlərin təxminən 49 faizi bildirib ki, onlar hər gün işə gedirlər, baxmayaraq ki, bu halların 80 faizində səfər bir saatdan az vaxt aparır.
Təxminən 59 faiz məsafədən işin uzun yol probleminin həlli olduğunu təklif edir.
Sorğunun nəticələri 18-64 yaş arasında olan 2000 nəfərdən ibarət reprezentativ seçmə əsasında hazırlanıb.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
