Vətən müharibəsi şəhidi Hacırza Rzayevin əziz xatirəsi yad olunub
Bakı, 9 yanvar, AZƏRTAC
Nəsimi rayonunda Vətən müharibəsi şəhidi Hacırza Fikrət oğlu Rzayevin doğum günündə əziz xatirəsi anılıb.
Yeni Azərbaycan Partiyası (YAP) Nəsimi rayon təşkilatından AZƏRTAC-a bildirilib ki, rayon icra hakimiyyəti başçısının, partiyanın rayon təşkilatının sədrinin, fəalların, rayon ictimaiyyətinin və şəhidin ailə üzvlərinin iştirakı ilə şəhid Hacırza Rzayevin xatirəsi dərin hörmət və ehtiramla yad olunub, məzarı üzərinə gül dəstələri düzülüb.
Şəhidlərin ailə üzvləri göstərilən diqqət və qayğıya görə minnətdarlıqlarını bildiriblər.
Qeyd edək ki, Vətən müharibəsi bizim şanlı tariximiz, şəhidlər və qazilər qürur mənbəyimizdir. Xalqımız və dövlətimiz qəhrəman övladlarının şücaətini daim yüksək qiymətləndirir, şəhidlərimizin ruhuna ehtiramla yanaşır, xatirəsini uca tutur. Müstəqil Azərbaycanımızın tarixinə qızıl hərflərlə yazılmış 44 günlük Vətən müharibəsi şəhidlərinin ailələrinə, qazilərinə Nəsimi rayonunda da daim yüksək həssaslıqla yanaşılır, diqqət və qayğı göstərilir.
Bölmənin digər xəbərləri
