Vətənsiz qalanlar hər zaman ağlar…
Bakı, 25 fevral (AZƏRTAC). Fevralın 25-də Şövkət Ələkbərova adına mədəniyyət evində Xocalı faciəsinin 19-cu ildönümünə həsr olunmuş “Vətənsiz qalanlar hər zaman ağlar” adlı ədəbi-bədii kompozisiya nümayiş etdirilmişdir.
AZƏRTAC xəbər verir ki, mədəniyyət evinin direktoru Venera Quliyeva və 58 nömrəli orta məktəbin müəllimi Dilarə Məmmədovanın rəhbərliyi ilə metodist Mənzər Süleymanova tərəfindən hazırlanmış ədəbi-bədii kompozisiyanı məktəbin şagirdləri və mədəniyyət evinin özfəaliyyət qrupu təqdim etmişlər.
Sonda faciənin canlı şahidi, Xocalı sakini Süsən Nəbiyeva çıxış edərək erməni silahlı qüvvələrinin 1992-ci il fevralın 25-dən 26-na keçən gecə artıq yer üzündən silinmiş bu şəhərdə törətdikləri vəhşiliklərdən danışmış, soyqırımı qurbanlarının qanının yerdə qalmayacağına əminliyini ifadə etmişdir.
Bölmənin digər xəbərləri
