Vitse-prezident: İnnovasiyalar SOCAR-ın daha səmərəli və qənaətcil olmasına kömək edir
Bakı, 30 sentyabr, AZƏRTAC
İnnovasiyalar SOCAR-ın daha səmərəli və qənaətcil olmasına kömək edir.
AZƏRTAC xəbər verir ki, bunu SOCAR-ın vitse-prezidenti Kənan Nəcəfov Bakıda keçirilən "INMerge" İnnovasiya Sammitində çıxışı zamanı deyib.
O bildirib ki, milli enerji şirkəti kimi məqsədləri, strateji hədəfləri sənaye lideri olmaq və maraqlı tərəflər üçün maksimum dəyər yaratmaqdır.
“İnnovasiyalar bizim həm əməliyyat, həm də iqtisadi baxımdan daha səmərəli, eyni zamanda, ətraf mühitə daha uyğun olmaq üçün bir vasitə rolunu oynayır. SOCAR bununla bağlı 2 əsas istiqaməti həyata keçirir. Birincisi rəqəmsal transformasiya yol xəritəsidir. Biz müxtəlif biznes bölmələrində süni intellektdən robototexnika və böyük verilənlərin analitikasına qədər hər şeyi tətbiq edirik. Bu texnologiyalar həm əməliyyat, həm də ətraf mühitin səmərəliliyini artırır. İkinci sahə innovasiya yol xəritəsidir. İnnovasiya ilə bağlı hər şey bizim diqqətimizdədir”, - deyə Kənan Nəcəfov vurğulayıb.
Bölmənin digər xəbərləri
