VLADİMİR MİÇOVİÇ ÇEMPİONLAR LİQASI TURNİRİNDƏ “BAKI”NIN ŞƏRƏFİNİ QORUYA BİLƏR
AZƏRTAC xəbər verir ki, “Neftçi”nin serbiyalı qapıçısı Vladimir Miçoviç ölkəmizi Çempionlar Liqası turnirində təmsil edəcək “Bakı” klubuna iki aylıq icarəyə verilə bilər. Məsələ sonuncu ölkə futbol çempionatının qalibi “Bakı” klubunun rəhbərliyi ilə aparılan danışıqlardan sonra həllini tapacaqdır. “Neftçi”nin vitse–prezidenti Ramin Musayev bunu jurnalistlərə iyunun 6-da mətbuat konfransında bildirmişdir. Vitse–prezident, eyni zamanda, Avropa kubokları uğrunda yarışlarda iştirak edəcək hər bir Azərbaycan klubuna kömək göstərməyə hazır olduqlarını vurğulamışdır. Komandanın heyətinə gəlincə, R.Musayev Tomislav Mişuradan başqa, bütün oyunçuların klubda qalacağını demişdir.
Bölmənin digər xəbərləri
