Xaçmaz KOB İnkişaf Mərkəzində korporativ hüquqla bağlı təlim keçirilib
Bakı, 26 fevral, AZƏRTAC
Xaçmaz KOB İnkişaf Mərkəzində Quba-Xaçmaz iqtisadi rayonunda fəaliyyət göstərən startap və kiçik sahibkarların iştirakı ilə təlim keçirilib.
Kiçik və Orta Biznesin İnkişafı Agentliyindən (KOBİA) AZƏRTAC-a bildirilib ki, “Korporativ hüquq” mövzusunda təşkil olunmuş budəfəki təlimdə əmək hüququ, kommersiya qurumlarının yaradılması, şirkətin ləğvi və yenidən təşkili, idarəetmə, müflisləşmə və sair məsələlər barədə ətraflı məlumat verilib, KOB-ları maraqlandıran suallar cavablandırılıb.
Qeyd edək ki, Xaçmaz “KOB evi”ndə fəaliyyət göstərən KOB İnkişaf Mərkəzi kiçik və orta sahibkarları, biznesə yeni başlayanlara təlim və məsləhət xidmətləri göstərir.
Bölmənin digər xəbərləri
