Xaçmazda minik avtomobilləri toqquşub, yaralılar var
Xaçmaz, 18 fevral, Elxan Yusifli, AZƏRTAC
Xaçmaz rayonunun Ləcət kəndi ərazisində 5 nəfərin xəsarət alması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, Xudat -Yalama yolunda “Volkswagen” və “VAZ 2109” markalı avtomobillərin toqquşması nəticəsində Bakı şəhər sakinləri - 1957-ci il təvəllüdlü Əmrahov Nazim Qasım oğlu və onun qardaşı 1959-cu il təvəllüdlü Əmrahov Fariz Qasım oğlu, Xaçmaz rayon sakinləri - 2000-ci il təvəllüdlü Adışirinov Muradxan Elburusoviç, 1997-cı il təvəllüdlü Adilxanov Murad Xanlaroviç və 2001-ci il təvəllüdlü Əhmədxanov Nasir Nərimanoviç xəsarət alıblar.
Yaralılar Xaçmaz rayon Mərkəzi Xəstəxanasına yerləşdirilib.
Faktla bağlı araşdırma aparılır.
Bölmənin digər xəbərləri
