Xantı-Mansiyskdə boks üzrə Dünya Kuboku yarışları keçiriləcək
Bakı, 16 dekabr, AZƏRTAC
Dekabrın 17-dən 20-dək Xantı-Mansiyskdə neft hasil edən ölkələr arasında boks üzrə Dünya Kuboku yarışları keçiriləcək.
Yarışlarda dünyanın 20 ölkəsini, o cümlədən Azərbaycan, Finlandiya, Almaniya, İsveç, Bolqarıstan, Rumıniya, Moldova, Litva, Çin, Monqolustan, Qazaxıstan və başqa dövlətləri təmsil edən 145 boksçu mübarizə aparacaq.
AZƏRTAC xəbər verir ki, dekabrın 16-da Dünya Kubokunun iştirakçıları, o cümlədən Azərbaycan boksçuları turnirin keçiriləcəyi məkana gəliblər.
Qeyd edək ki, neft hasil edən ölkələr arasında boks üzrə budəfəki Dünya Kuboku yarışları Sosialist Əməyi Qəhrəmanı, Sibir neftini kəşf etmiş azərbaycanlı Fərman Salmanovun xatirəsinə həsr edilib.
Bölmənin digər xəbərləri
