“XARİCİ DİASPOR RUSİYANIN İQTİSADİ POTENSİALIDIR” MÖVZUSUNDA “DƏYİRMİ MASA” İCLASI BAŞA ÇATDI
İyulun 7-də Bakı Əyləncə Mərkəzində “Xarici diaspor Rusiyanın iqtisadi potensialıdır” mövzusunda “dəyirmi masa” iclası işini başa çatdırmışdır. İclas Moskva hökumətinin Beynəlxalq Əlaqələr Departamenti, xaricdə yaşayan həmvətənlərə yardım üzrə “Rossiyane” Moskva dövlət-ictimai fondu tərəfindən təşkil olunmuşdur.
“Dəyirmi masa”nın sonuncu günü onun iştirakçıları bölmələrdə Rusiya və Azərbaycanın dövlət və özəl qurumları arasında ticarət, kənd təsərrüfatı məhsullarının emalı və göndərilməsi, elm, texnika, sərmayə sahələrində və humanitar sahədə əməkdaşlığının perspektivlərini müzakirə etdilər.
İki ölkənin həm ayrı-ayrı regionları, həm də firma və şirkətləri arasında birbaşa ticarət-iqtisadi əlaqələrin inkişaf etdirilməsi və dərinləşdirilməsi qərara alındı.
Bölmənin digər xəbərləri
