XARİCİ SƏRMAYƏÇİLƏR DAŞKƏSƏNDƏKİ QIZIL YATAĞINA MARAQ GÖSTƏRİRLƏR
Bir sıra xarici sərmayəçilər Daşkəsən rayonundakı qızıl yatağının işlənilməsinə maraq göstərirlər. Ekologiya və təbii sərvətlər naziri Hüseynqulu Bağırov AZƏRTAC-ın müxbirinə demişdir ki, xarici şirkətlərin nümayəndələri yatağın ehtiyatlarını müəyyən etmək üçün süxurlardan nümunələr götürərək, laboratoriya analizləri aparmışlar.
Xatırladaq ki, mütəxəssislərin ilkin rəyinə görə, ötən ilin sonunda aşkar edilmiş yatağın ehtiyatı 150 tondan çoxdur. Bu isə ölkədəki bütün qızıl yataqlarının ehtiyatına bərabərdir. Yatağın məhsuldarlığının geoloji göstəriciləri də yüksəkdir. Belə ki, bir ton filizdə 70-100 qram qızıl vardır.
Bölmənin digər xəbərləri
