XARİCİ TİCARƏTDƏ AZƏRBAYCANIN MARAQLARI QANUNLA QORUNACAQDIR
İqtisadi İnkişaf Nazirliyi “Xarici ticarətdə Azərbaycan Respublikasının maraqlarının qorunması haqqında” qanun layihəsi hazırlamışdır.
Nazirlikdən AZƏRTAC-a bildirmişlər ki, mallar ixrac və idxal olunarkən Azərbaycanın iqtisadi maraqlarının qorunması üzrə tədbirlərin müəyyənləşdirilməsi və həyata keçirilməsi qaydaları bu qanunla tənzimlənəcəkdir.
Bu qanun xarici ticarət sahəsində xüsusi müdafiə, antidempinq tədbirləri tətbiq etməyin ümumi prinsiplərini, respublikanın tədiyyə balansının tarazlığının saxlanmasını, məqsədli inkişaf proqramlarının yerinə yetirilməsini nəzərdə tutur. Qanun, eyni zamanda, ölkə iqtisadiyyatının struktur dəyişikliklərinə məruz qalmış sahələrinin qorunması məqsədilə, habelə yeni növ malların və kənd təsərrüfatı məhsulları istehsalının tənzimlənməsi ilə bağlı tədbirlər həyata keçirilərkən, idxal-ixrac əməliyyatları aparılarkən ölkənin iqtisadi maraqlarının qorunması üzrə tədbirləri özündə əks etdirir.
Qanun layihəsi hazırlanarkən müvafiq dövlət qurumlarının, mütəxəssislərin rəy və təklifləri nəzərə alınmışdır.
Bölmənin digər xəbərləri
