Xətai rayonunda toy mərasiminin keçirilməsinin qarşısı alınıb
Bakı, 15 mart, AZƏRTAC
Xətai Rayon Polis İdarəsinə rayon ərazisində yerləşən restoranlardan birində toy mərasiminin keçirilməsi barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşları mərasimin keçirilməsinin qarşısını alıblar.
Toy mərasimində iştirak etməklə sanitar-epidemioloji normaları pozan 31 nəfər barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilib və onların hər biri 200 manat məbləğində cərimə olunub. Toy mərasiminin təşkilinə şərait yaradan restoranın inzibatçısı R.Mirzağayev isə 4 min manat məbləğində cərimələnib.
Bölmənin digər xəbərləri
