“XƏZƏR-LADA” ASC SABİT MÜƏSSİSƏDİR
AZƏRTAC-ın müxbiri xəbər verir ki, “Xəzər-Lada” Açıq Səhmdar Cəmiyyəti özünün diler şəbəkəsi, salonları vasitəsilə təmsil etdiyi “AVTOVAZ” SC-nin məhsullarının bölüşdürülməsi və satışı, habelə VAZ avtomobillərinə təminat müddətində, təminatdan sonrakı dövrdə texniki xidmət göstərilməsi ilə məşğuldur. Ötən il 40-dan artıq irili-xırdalı texniki stansiyada avtomobillərə xidmətdən 610 milyon manat gəlir götürülmüşdür. Cəmiyyət tərəfindən dövlət büdcəsinə 300 milyon manat vergi ödənilmişdir.
“Xəzər-Lada”nın rayonlarda satış üzrə 15 agenti və 26 dileri vardır. Müəssisədə mütəhərrik kredit sistemi mövcuddur. Avtomaşınların 20-25 faizi məhz bu sistem vasitəsilə satılır. “VAZ” avtomobillərin satışına görə (ildə 600-700 maşın) “Xəzər-Lada” ASC MDB məkanında Qazaxıstandan sonra ikinci yeri tutur.
Bölmənin digər xəbərləri
