“XƏZƏR-LƏNKƏRAN” İLK GÖRÜŞÜNÜ LİTVA ÇEMPİONU İLƏ KEÇİRƏCƏKDİR
AZƏRTAC xəbər verir ki, “Xəzər-Lənkəran” futbol klubunun MDB və Baltikyanı ölkələrin çempionlarının Moskvada keçiriləcək “Birlik Kuboku” turnirində ilk görüşü yanvarın 19-da Litvanın “Kaunas” klubu ilə olacaqdır.
Növbəti görüşünü yanvarın 20-də Tacikistanın “Reqar-Tadaz” klubu ilə keçirəcək Azərbaycan çempionu, iki gün sonra isə Qazaxıstanın “Aktobe” komandası ilə qarşılaşacaqdır.
“Birlik kuboku” turnirində 4 qrupda 16 komanda mübarizə aparacaqdır. Qrupda ilk iki yeri tutmuş komandalar yanvarın 23-də keçiriləcək dörddəbir final mərhələsinə vəsiqə qazanacaqlar.
Yanvarın 25-də yarımfinal, iki gün sonra isə final görüşləri olacaqdır.
Bölmənin digər xəbərləri
