“Xəzər-Lənkəran”ın sabiq baş məşqçisi Mirça Rednikin yeni iş yeri məlum olub
Bakı, 26 aprel, AZƏRTAC
“Xəzər-Lənkəran” futbol klubunun sabiq baş məşqçisi Mirça Rednikin yeni iş yeri məlum olub.
AZƏRTAC xəbər verir ki, 61 yaşlı mütəxəssis Rumıniyanın “UTA Arad” komandasını çalışdıracaq. Təyinat barədə xəbər klubun rəsmi saytında yayımlanıb. Onunla mövsümün sonuna kimi müqavilə imzalanıb.
“UTA Arad” hazırda Rumıniyanın yüksək liqasında 16 komanda arasında 14-cü yeri tutur.
Xatırladaq ki, rumıniyalı mütəxəssis 2010-2011-ci illərdə “Xəzər-Lənkəran”ı çalışdırıb. O, Lənkəran komandasına Azərbaycan kubokunu qazandırıb.
Bölmənin digər xəbərləri
