Xəzər Universitetində beynəlxalq layihə çərçivəsində yeni müsabiqəyə başlanılıb
Bakı, 20 aprel, AZƏRTAC
“British Council” təşkilatı Xəzər Universitetinin tərəfdaşı olduğu “Creative Spark” layihəsi çərçivəsində aprelin 20-də “Böyük ideya çağırışı” (Big Idea Challenge) adlı yeni müsabiqəyə start verib.
Universitetdən AZƏRTAC-a bildirilib ki, iştirakçılar iqlim dəyişikliyi, rəqəmsal texnologiya, sosial təsir və kreativlik kateqoriyalarında öz biznes ideyalarını 1 dəqiqəlik videoformatda təqdim etməlidirlər. Yarışmada Xəzər Universitetinin yalnız Azərbaycan vətəndaşı olan tələbələri iştirak edə bilərlər.
Müraciətlərin qəbulu mayın 7-dək davam edəcək.
Bölmənin digər xəbərləri
