Xilasediciyə Fövqəladə Hallar Nazirliyinin döş nişanı təqdim edilib
Bakı, 12 mart, AZƏRTAC
Fevralın 16-da iş vaxtından kənar - məzuniyyətdə olarkən Kür çayının Mingəçevir şəhəri ərazisindən keçən hissəsində boğulan şəxsi xilas etmiş Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran dalğıc-axtarış qrupunun dalğıcı, daxili xidmət çavuşu Dosməmmədov Dosməmməd Qəhrəman oğlu döş nişanı ilə təltif olunub.
FHN-in mətbuat xidmətindən AZƏRTAC-a bildiriblər ki, Xidmətin rəisi, daxili xidmət general-mayoru Rüfət Fəradov göstərdiyi şücaətə görə Dosməmməd Dosməmmədova təşəkkür edərək, onun nümunəvi addımının gənclərə örnək olduğunu bildirib.
Daha sonra D.Dosməmmədova “Fövqəladə halların nəticələrini aradan qaldıran iştirakçıya” döş nişanı və vəsiqəsi təqdim edilib.
Bölmənin digər xəbərləri
