Xırdalan sakininin müalicə aldığı xəstəxanada ölməsi faktı ilə bağlı cinayət işi başlanıb
Bakı, 16 iyun, AZƏRTAC
İyunun 8-də Abşeron rayonunun Xırdalan şəhərində yerləşən parklardan birində 1987-ci il təvəllüdlü Minayə Nuriyevanın attraksiondan yıxılması nəticəsində aldığı xəsarətlərdən müalicə aldığı xəstəxanada ölməsi faktı ilə bağlı Abşeron Rayon Prokurorluğunda araşdırma aparılıb və toplanmış sübutlar əsasında Cinayət Məcəlləsinin 314.2-ci (zərərçəkmiş şəxsin ölümünə səbəb olan səhlənkarlıq) maddəsi ilə cinayət işi başlanıb.
Bu barədə AZƏRTAC-a Baş Prokurorluğun mətbuat xidmətindən məlumat verilib.
Hazırda ibtidai istintaq tədbirləri davam edir.
Bölmənin digər xəbərləri
