Xızıda Xocalı soyqırımı qurbanlarının xatirəsi anılmışdır
Xızı, 23 fevral (AZƏRTAC). Xızıdakı Heydər Əliyev Mərkəzində Xocalı soyqırımı qurbanlarının xatirəsi anılmışdır.
AZƏRTAC xəbər verir ki, tədbirdə Xocalı faciəsini əks etdirən kompozisiyalar və film nümayiş etdirilmişdir.
Anma mərasimində erməni separatçılarının xalqımıza qarşı törətdiyi soyqırımı haqqında geniş məruzə dinlənilmiş, çıxışlarda faciənin heç vaxt unudulmayacağı qeyd edilmişdir. Bildirilmişdir ki, insanlıq əleyhinə cinayət olan bu qətliamın günahkarları cəzasız qalmamalıdır. Tədbirdə Xızı mədəniyyət və turizm şöbəsinin, Səfərbərlik və Hərbi Xidmətə Çağırış üzrə Dövlət Xidməti rayon bölməsinin əməkdaşları, müəllimlər və məktəblilər iştirak etmişlər.
Xocalı faciəsi ilə bağlı tədbirlər planına uyğun olaraq, rayonun bütün mədəniyyət müəssisələrində və kitabxanalarda silsilə tədbirlərin keçirilməsi nəzərdə tutulmuşdur.
Bölmənin digər xəbərləri
