XOCALI FACİƏSİ İLƏ BAĞLI RUSİYA FEDERASİYASININ MÜXTƏLİF ŞƏHƏRLƏRİNDƏ ANMA TƏDBİRLƏRİ KEÇİRİLƏCƏKDİR
AZƏRTAC xəbər verir ki, fevralın 26-da Ümumrusiya Azərbaycan Konqresi Moskva şəhərindəki “Bakı” kinoteatrında Xocalı soyqırımına həsr edilmiş toplantı keçirəcək, faciə ilə bağlı sənədli film nümayiş etdirəcəkdir.
Azərbaycan Milli Mədəni Muxtariyyəti isə Sankt-Peterburq şəhərində anma tədbiri təşkil edəcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən verilən məlumata görə, fevralın 26-da Ümumrusiya Azərbaycan Konqresinin regional nümayəndəliklərinin təşkilatçılığı ilə Yekaterinburq, Samara, Vladivostok və digər şəhərlərdə də Xocalı soyqırımı qurbanlarının xatirəsi ehtiramla yad olunacaq, faciə barədə ictimaiyyətə ətraflı məlumatlar veriləcəkdir.
Bölmənin digər xəbərləri
