Xocalı faciəsinə həsr olunmuş respublika sərgi-müsabiqəsinin yekun tədbiri keçiriləcəkdir
Bakı, 23 fevral (AZƏRTAC). Xəbər verildiyi kimi, Mədəniyyət və Turizm Nazirliyi Azərbaycan Rəssamlar İttifaqı ilə birlikdə Xocalı faciəsinə həsr olunmuş respublika sərgi-müsabiqəsi elan etmişdir. Artıq Azərbaycan rəssamları tərəfindən müsabiqəyə xeyli sayda əsərlər təqdim edilmişdir.
Sərgi-müsabiqə Ermənistanın işğalçı ordusu tərəfindən 1992-ci il fevralın 25-dən 26-na keçən gecə Xocalı şəhərində dinc azərbaycanlı əhaliyə qarşı törədilmiş soyqırımı faktlarının təsviri və dekorativ sənət əsərləri vasitəsilə ifadə edilməsi, zaman-zaman xalqımızın başına gətirilən faciələrin bədii təcəssümü, eyni zamanda, Azərbaycan Respublikasının dövlət müstəqilliyinin, ərazi bütövlüyünün qorunması yolunda xalqımızın mübarizə əzminin nümayişi və gənc nəslin vətənpərvərlik ruhunda tərbiyəsi məqsədi ilə keçirilmişdir.
Mədəniyyət və Turizm Nazirliyindən AZƏRTAC-a bildirmişlər ki, müsabiqənin yekun sərgisi fevralın 25-də Azərbaycan Rəssamlar İttifaqının Vəcihə Səmədova adına sərgi salonunda keçiriləcəkdir.
Bölmənin digər xəbərləri
