Xocalı faciəsinin 19-cu ildönümü Bərdə rayonunda geniş qeyd olunur
Bərdə, 22 fevral (AZƏRTAC). Xocalı faciəsinin 19-cu ildönümü Bərdə rayonunda geniş qeyd olunur.
Bərdə Rayon İcra Hakimiyyəti başçısının sərəncamı ilə təsdiq edilmiş tədbirlər planına uyğun olaraq idarə, müəssisə və təşkilatlarda, ümumtəhsil məktəblərində konfranslar, disputlar, xatirə gecələri, Xocalı hadisələrinin şahidləri ilə görüşlərin keçirilməsi, muzey və kitabxanalarda faciəyə həsr olunmuş guşələrin yaradılması, foto, rəsm və kitab sərgilərinin açılması nəzərdə tutulur.
Fevralın 25-də rayonun təhsil müəssisələrində ilk dərslər Xocalı soyqırımına həsr olunacaqdır. Fevralın 26-da rayon sakinləri Şəhidlər xiyabanını ziyarət edəcək, faciə ilə bağlı ümumrayon tədbiri keçiriləcəkdir.
Bölmənin digər xəbərləri
