Xocalı soyqırımı ilə əlaqədar Azərbaycanın diaspor təşkilatları silsilə tədbirlər keçirəcəklər
Bakı, 25 yanvar, AZƏRTAC
Xocalı soyqırımının iyirmi beşinci ildönümü ilə əlaqədar Azərbaycan diaspor təşkilatları tərəfindən silsilə tədbirlər keçiriləcək.
Diasporla İş üzrə Dövlət Komitəsinin mətbuat xidmətindən AZƏRTAC-a verilən məlumata görə, bu tədbirlərə elmi-praktik konfranslar, “dəyirmi masa”lar, anım yürüşləri, etiraz aksiyaları, fotosərgi, video və film nümayişləri, fləşmoblar və s. daxildir.
Avropanın və MDB-nin bir çox ölkələrində, ABŞ-da etiraz aksiyaları, yürüşlər, fləşmoblar təşkil olunacaq, ictimai nəqliyyatlarda videoçarxlar nümayiş etdiriləcək, fotosərgi və filmlər təqdim ediləcək.
Hazırda “Xocalı ayı” çərçivəsində keçiriləcək tədbirlərlə bağlı plan hazırlanır.
Bölmənin digər xəbərləri
