“Xocalı soyqırımı: rəqəmlər danışır” – AZƏRTAC-ın xüsusi müxbiri Ukrayna portalına yazıb
Bakı, 25 fevral, AZƏRTAC
AZƏRTAC-ın Ukrayna, Belarus və Moldova üzrə xüsusi müxbiri Emil Hüseynlinin Ukraynanın “FAKT” portalında Xocalı soyqırımına dair məqaləsi dərc olunub.
“Xocalı soyqırımı: rəqəmlər danışır” sərlövhəli məqalədə müəllif Xocalı soyqırımının XX əsrin ən dəhşətli faciələrindən biri olduğunu, insanlığa və bəşəriyyətə qarşı yönəlmiş vəhşilik adlandırır. Qeyd olunur ki, “Xocalıya ədalət!” kampaniyası çərçivəsində artıq dünyanın bir çox ölkələri, beynəlxalq təşkilatlar Xocalı faciəsini soyqırımı kimi tanıyıblar.
“Erməni millətçilərindən fərqli olaraq, Azərbaycan bu məsələdən siyasi, maliyyə, ərazi və digər dividendlər əldə etmək məqsədi güdmür. Onun məqsədi tarixi ədaləti bərpa etmək, cinayətkarları ifşa edərək dünya ictimaiyyətinin mühakiməsinə verməkdir”, - deyə məqalə müəllifi vurğulayır.
Bölmənin digər xəbərləri
