Xocalı soyqırımına həsr olunmuş növbəti rəsm müsabiqəsi
27 yanvar, AZƏRTAC
Bakıda Xocalı soyqırımının 25-ci ildönümünə həsr olunmuş “Qanlı izlər” adlı rəsm müsabiqəsi elan olunub. Müsabiqə Bakı şəhər Mədəniyyət və Turizm Baş İdarəsinin və Nəsimi rayon MKS-nin 3 saylı filialının birgə təşkilatçılığı ilə keçirilir.
Baş İdarədən AZƏRTAC-a bildirilib ki, müsabiqəyə iştirak etmək istəyən hər kəs qatıla bilər. Təqdim olunan sənət əsərlərinin ölçüsü sərbəst və çərçivədə olmaqla yanaşı, mövzunu əhatə etməlidir.
Qeydiyyatı fevralın 20-dək davam edəcək rəsm müsabiqəsinin yekun sərgisinin Nəsimi rayon 1 nömrəli tam orta məktəbdə keçirilməsi nəzərdə tutulur.
Sonda qaliblər mükafatlandırılacaq.
Bölmənin digər xəbərləri
