“Xocalı unudulmaz!” ədəbi-bədii kompozisiyası təqdim edilmişdir
Bakı, 22 fevral (AZƏRTAC). Fevralın 22-də İ.Əbilov adına mədəniyyət mərkəzinin təşkilatçılığı ilə Xocalı soyqırımının 21-ci ildönümünə həsr edilmiş tədbir keçirilmişdir.
AZƏRTAC xəbər verir ki, tədbirdə mədəniyyət mərkəzinin rəhbəri Mirəhməd Ələsgərov XX əsrin ən qanlı faciəsi - Xocalı soyqırımı qurbanlarının qanlarının yerdə qalmayacağını, artıq dünya ictimaiyyətinin bu faciəni soyqırımı kimi qəbul etməyə başladığını söyləmişdir.
Çıxış edənlər Prezident İlham Əliyevin yürütdüyü məqsədyönlü siyasətin nəticəsi olaraq artıq dünyanın bir çox ölkələrində, o cümlədən Türkiyə, Pakistan, Gürcüstan, Meksika, Belçika, Niderland, Moldova, Danimarka, Polşa, Estoniya, Litva, Rumıniya, Çexiya və s. dövlətlərdə Xocalı faciəsinin qurbanlarının anılacağını, soyqırımın ildönümünə həsr edilmiş “dəyirmi masa” və konfransların təşkil olunacağını bildirmişlər.
Sonda mərkəzin “Vurğun” teatrının ifasında soyqırımına həsr olunmuş “Xocalı unudulmaz!” mövzusunda ədəbi-bədii kompozisiya nümayiş etdirilmişdir.
Bölmənin digər xəbərləri
