XOKKEY ÜZRƏ RESPUBLİKA SEÇMƏ YARIŞLARI BAŞA ÇATMIŞDIR
Azərbaycan “Xüsusi Olimpiya” Komitəsindən AZƏRTAC-a bildirmişlər ki, qurumun Əzizbəyov rayonundakı 16 nömrəli xüsusi internat məktəbində keçirdiyi döşəmə üzərində xokkey üzrə respublika seçmə yarışları başa çatmışdır.
Yarışlar 2009-cu ilin fevralında ABŞ-da keçiriləcək Dünya Xüsusi Qış Olimpiya Oyunlarına seçmə xarakteri daşıyır.
8 komandanın mübarizə apardığı yarışın nəticələrinə görə I divizyonda Nizami rayonunun 3 nömrəli xüsusi təhsil məktəbi, II divizyonda isə Əzizbəyov rayonundakı E.Mirzəyev adına xüsusi internat məktəbi 1-ci yerləri tutmuşlar.
Qaliblər “Xüsusi Olimpiya” Komitəsi tərəfindən mükafatlandırılacaqlar.
Bölmənin digər xəbərləri
