Xose Perurena Lopez yenidən Beynəlxalq Kanoe Federasiyasının prezidenti seçilib
Bakı, 25 noyabr, AZƏRTAC
Beynəlxalq Kanoe Federasiyasının (ICF) Bakıda keçirilən XXXVI Konqresində bu qurumun prezidenti vəzifəsinə seçkilər keçirilib.
AZƏRTAC xəbər verir ki, qurumun hazırkı rəhbəri Xose Perurena Lopez səsvermə nəticəsində növbəti dörd il müddətinə ICF-in prezidenti seçilib. O, 94 mümkün səsdən 82-ni qazanıb.
Xose Perurena Lopez 1945-ci il aprelin 4-də Madriddə anadan olub. O, 1968-ci il Mexiko Yay Olimpiya Oyunlarında kayak yarışlarında mübarizə aparıb. ICF-ə 2008-ci ildən rəhbərlik edən Xose Perurena Lopez 2011-ci ildən Beynəlxalq Olimpiya Komitəsinin üzvü, 2014-cü ildən isə Beynəlxalq Dünya Oyunları Assosiasiyasının prezidentidir.
Bölmənin digər xəbərləri
