YAPONİYA FUTBOL AZARKEŞLƏRİNDƏN REYN ÇAYINA TULLANMAMAQ XAHİŞ OLUNMUŞDUR
AZƏRTAC-ın xüsusi müxbiri xəbər verir ki, Almaniyanın Bonn şəhərinin bələdiyyə başçısı xanım Berbel Dikman Yaponiyadan gəlmiş futbol azarkeşlərini sevimli komandalarının çempionatın gedişində mümkün qələbələrini körpüdən suya tullanmaqla bayram etməkdən çəkinməyə çağırmışdır. “Reyn çayı çox dərin, axını güclü və təhlükəlidir. Burada tez batmaq olar” deyə o, Bonnda Reyn çayı sahilində məskən salmış Yaponiya millisi, azarkeşləri və KİV nümayəndələri qarşısında çıxışında xəbərdarlıqla bildirmişdir.
Yaponiya millisi qrup oyunlarında Braziliya, Xorvatiya və Avstraliya komandaları ilə qarşılaşacaqdır.
Bölmənin digər xəbərləri
