YAPONİYADA TƏBİİ FƏLAKƏTLƏRİ YÜZ İL ÖNCƏDƏN PROQNOZLAŞDIRACAQLAR
Elm və Texnika Nazirliyinin rəsmi nümayəndəsi Tomonori Otake bildirmişdir ki, yeni sistem digərlərindən onunla fərqlənir ki, bu sistemdə dünyanın ən sürətli “Earth Stimulator” fövqəlkompyuteri işləyəcəkdir. O demişdir: “Biz bu sistemin köməyilə hansı bölgələrin risk qrupunda olduğunu və nə kimi əks-tədbirlər görülməsini müəyyən edə biləcəyik”.
Nazirlikdə qeyd etmişlər ki, yaxınlaşmaqda olan təbii fəlakət barədə vaxtında xəbər verilməsi hökumətə potensial surətdə ziyan çəkə biləcək bölgələrə lazımi vasitələr və yardım göndərməyə imkan yaradacaqdır.
Bu fövqəlkompyuter dünya okeanının temperaturunu ölçür, Yer səthinin hərəkətini müəyyənləşdirir və həmin informasiya əsasında mümkün təbii fəlakətləri azı yüz il öncədən proqnozlaşdırır. Fövqəlkompyuter bir saniyədə 30 trilyondan çox hesablama aparır.
Layihənin dəqiq dəyəri hələlik açıqlanmır. Lakin tədqiqatçıların təxmini hesablamalarına görə, o, ildə 26 milyon dollara başa gələcəkdir.
Bölmənin digər xəbərləri
