Yaponiyada təyyarədən qopmuş metal hissə yaşayış ərazisinə düşüb
Tokio, 5 mart, AZƏRTAC
Yaponiyanın Narita şəhərində təyyarədən qopduğu güman edilən metal hissə yaşayış ərazisinə düşüb.
AZƏRTAC Kyodo agentliyinə istinadla xəbər verir ki, həmin ərazidə eyni adlı aeroport yerləşir. Məlumatda qeyd edilir ki, təqribən bir kiloqram ağırlığında detalın düşdüyü ərazi Narita aeroportunun uçuş-enmə zolağından 7 kilometr şimal-qərbdə yerləşir. Eni 25, uzunu 50 santimetr olan hissə martın 4-də yerli sakin tərəfindən meşəlik ərazidə aşkar olunub. Hazırda detalın hansı təyyarədən düşdüyü müəyyənləşdirilir. Hadisə nəticəsində xəsarət alanlar barədə məlumat verilmir.
Son vaxtlar Yaponiyada belə kiçik aviaqəzaların sayı xeyli artıb ki, bu da öz növbəsində yerli əhalidə müəyyən narahatlıq yaradır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
